الاهلي والتريقةو

اهلاوي اه يا عيني ----------- دايما كسبان بطولات[ندعوك للتسجيل في المنتدى أو التعريف بنفسك لمعاينة هذه الصورة]
و السر بينك و بيني ----------- حكامنا دول شربات
بفلوسنا بندلعـــهم ----------- شقق و عربيـــــات
اوفسيد و بنلاتي و كارت احمر ----------- و البركه في الحركات
و الحظ مننساهوش ----------- ده حبيبنا و منسيبوش
نكسب بجول دربكه ----------- و نصد بالعارضات
عايزين بطوله ناخد ----------- بس بولادنا مفيش
خدنا نص المنتخب ----------- و الباقي من الدراويش
عبد الله و النحاس ----------- و الشاطر و بركات
و تريكه م الترسانه ----------- يخلص الماتشات
لا مؤاخذه متلومنيش ----------- و تفولي سرقت الدراويش
ده ياما نكدوا عليا ----------- 2 و 3 و اريعه
يعني اسيبهم يعقدوني ----------- و اقف ايدي مريعه ؟؟
الا العفريت شيكابالا ----------- رميت تحته الملايين
قرطسني و قال انا جاي ----------- و استني في التمرين
ضحك عليا و سابني ----------- قالك بيتي الزمالك
بقي هي كده يا شيكا ----------- طب خد عندك يا عم
هنشتم و نقل أدبنا ----------- و نقول لعيب يجيب الغم
بس اهو رفع الجزمه ----------- و قلبت بحرقه دم
خلاص هنجيب فتحي ----------- و نخطف عبد ربه
و العقد نشوفله ثغره ----------- و نقولك دي احترافات
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
------------------------------------------------------
وحياة بترول اسيوط وكبارى اينو
ودمكم الخفيف اللى احنا مش طايقينوا
تريقة وضحك فى وقت انتم من قريب عارفينوا
انا هقول راى فى كلام انتم قايلينوا
وعارف ان اغلبكم مش فهمينوا
*****
كفاية كلام بلاش ضحك على الناس
فريق ونادى مالوش اساس
بتقولوا غنى وتشجيع وجماهير
مش شايف غير بلياتشو وحبة طراطير
*****
كلامكم كتير و مالوش لازمة
كان لازم شيكا يرفع الجزمة
حسوا شوية ان الكرة فى ازمة
و الاتحاد واقف على الدنيا يتفرج
والاهلى ولاعيبته على الاخلاق بيتمرد
يا شيكا استلم عقاب تمام
ويا اهلى متزعلش يا حبيبى نام
يا شيكا غلطت اعتذر للناس
و الاهلى لا قيم ولا مبادئ ولا اساس
والله شيكا بشر من دم و احساس
مسكوا المظلوم وسابوا الظالم ما هى الدنيا خلاص
لا حد اتكلم ولا واحد قال من الدرس لازم نتعلم
*****
معروفة اللعبة من زمان
حكام وصحافة واعلام
الكل يطاطى كله جبان
التليفزيون بقى احمر و مفيش الوان
الابيض والاصفر دول كانوا زمان
العب يا احمر ضد اى حد وايا كان
اتعمل بالعافية بطل واللى مش عجبه يروح ينام
كذبوا وصدقوا الكذبة الاهلى فارس بنى خيبان
الكل يسكت الكذبة بتكبر يبقى كل تمام
حكم بيجامل واعلام بيطبل و بيغنى
والاهلاوى عايش يعينى مصدق وبيهنى
*****
لا بسال ازى ولا امتى ولا كام
ولعوا النار فى واحد وقالوا احنا ملوك الزمان
وقالوا اسمع مبادائنا وقيمنا واخلاقنا
تعيش اهلاوى تعيش فى امان
ولو شجعت حد تانى ملكش فى الدنيا مكان
الحضرى عملها وقال يلا سلام
قالوا فى مبادى والكل يصحى محدش ينام
اسحب جنسية ورافع قضية وظهرت تخاريف النيام
القيعى يشجب وشوبير يندد
والاتحاد عمال للحضرى بيهدد
و يرجع الحضرى الخاين الجبان[ندعوك للتسجيل في المنتدى أو التعريف بنفسك لمعاينة هذه الصورة]
وكل الاعلام الاهلى نادى تمام
والكل فى لحظة غير الكلام
يا اهلى على الودن امسك واقرص
بس متنساش ان دة الحضرى اللى بيرقص
*****
وتبص على القيم وتتفرج
القيعى هناخد حسنى ومش بنهرج
اسماعيلية تقول دة حسنى ابننا
القيعى بكل برود الاعب دة حقنا
بيع ابنك يا كومى وهاتوا عندنا
هناخد حسنى انتو مش قدنا
ويظهر الخطيب ويتكلم
عامل قال يعنى للقيم بيعلم
يا حسنى شوف انت عايز ايه
رد حسنى كان سريع عليه
طبعا العب فى الاسماعيلى يا بيه
رد حسنى كان صريح وواضح
الاهلى لا وحياة اسماعيلية مش رايح
*****
هيفضل الاهلى لحد امتى فى الرياضة طايح
ياخد دة ويضرب دة ويعمل فضايح
من دراع جوزيه لشفايف احمد السيد
واتحاد الكرة معه وطبعا بيأيد
*****
طول ما الاهلى فى الرياضة موجود
وضع الرياضة مش هيكون مظبوط
احلم و اتمنى ان الاتحاد من النوم يفوق
طريق الرياضة اصبح نفق مسدود

والله بص
لو مفيش اهلي مفيش دوري ولا في كورة
ASD

تسلم عالموضوع
بس بردو مفيش الا الاهلي وبس

يا جاااااااااااااااااااااااااااااااااااااااااااااااااااااااااااااااااااااااااامد
أنت أصلي و الله
الجاهلي ده ربنا يأخده و نخلص منه
بس بجد أنت جامد
أيوة كده يا عم أظهرهم ع حقيقتهم
زمالك زمالك زمالك زمالك زمالك
[ندعوك للتسجيل في المنتدى أو التعريف بنفسك لمعاينة هذه الصورة]

» اضحك علي صور الاهلي واكتب ردك
» كليب تريقة علي الاهلي في اليابان